Азинлык
Пайдаё ужан сярысь блог. Азинскы — ужа ачид вылэ!
Удмурт удмуртлы удмурт сямен
Мон удмурт. Кымесам гожтэмын, мон удмурт шуыса, удмуртлыке вирам анай йӧлын пыӵатэмын. Гадям мыжгасько: «Мон Удмурт!» Атае но удмурт, анае но удмурт. Атаелэн атаез но, анаез но удмуртъёс вылӥллям, анаелэн атаез но, анаез но удмуртъёс. Мон зэмос удмурт. Мон возьдаськись, юмоке шедемме валасько ке, ӵыжектӥсько. Зэмос удмурт сямен. Бен йырсие но горд. Тӥ шуоды: «Ӧвӧл, сьӧд тынад йырсиед!» Нош мон кескич мыньпотыса верало: «Шунды шорын горд чильпыра. Кельыт. Зэмос удмуртлэн сямен. Малы ке шуоно, мон удмурт.»
Котькуд удмурт кырӟаны яратэ, быгатэ-а, уг-а, кырӟа. Ас понназ. Нокин медаз кылы. Мон сямен ик. Зэмос удмурт сямен кырӟасько огнам. Огнамлы. Гитараме кутӥсько но, ӝожмыт кырӟасько. Ӧсэз пытсаса.
Зэмос удмурт сямен, мон вожъяськись. Мон вожъяськисько тодомоосылы, ку ке соос быгато сое, мае мон уг быгатӥськы. Шумоптӥсько соос понна, но вожъяськисько. Удмурт-а? Удмурт.
Мон вылтӥяськись. Быгатӥсько ке сое, мае уг быгато тодмоосы но мукетъёсыз, вылтӥяськонэлы чидатэк гадям мыжгасько, вань удмуртъёслэн йыр вылтӥзы ветлӥсько, зэмос удмурт сямен.
Яратӥсько огнам луыны-кылльыны. Нокинэн чик вераськытэк, гань-гань малпаськыны котьма сярысь. Кортӵог вылэ пуксьын шедьтӥсько ке, вӧсь луэ ке но, уг кесяськиськы соку ик вӧсь луэмлэсь, ойдо дышо шуисько но сялӟисько. Удмурт мон. Мон удмурт. Удмурт удмуртлы удмурт сямен.
Удмурт удмуртлы удмурт сямен : 7 комментариев
аха, как бы «лирический герой» прозведения — понял. Но тогда идею УДМУРТ-ОДМОРТ — в конфликт — отчего бы не развить тему ?… żech pòrmysal…
ti vuzh sjamen ik-a paralellj Latinikaly pumit na?
Пумит вань киосыным но пыдъёсыным ) Но можно сое кутыны как оригинальный способ продвижения удмуртского, но не больше )
«Зэмос удмурт сямен, мон вожъяськись. Мон вожъяськисько тодомоосылы, ку ке соос быгато сое, мае мон уг быгатӥськы.»…..тини та верамед — удмуртъеслы ук укша… со скорей всего зучъеслэсь тыныд пычамын))
«Но можно сое кутыны как оригинальный способ продвижения удмуртского, )»Шат мон мукетсэ шуыли…?»…но не больше»малы пытсаськод? адями котькудиз — ачиз мед быръёз. Кин тодэ, ма милемыз чуказе вите?…Озьгес со, дыр.
Туж умой гожтэмын. Мон но удмурт Вожъяськись вылтияськись, но туж секыт луэ, куке тыныд вожъясько, пыд пукто. Ачим лябыт но, зол сямо но луисько. Быгатэмея юрттисько, нош куке тынад сюлэмад сялало, мон быгатисько зар-зар бордыны но, азьлань мыныны. Сычеесь-а меда зэмос удмуртъёс. Но ведь мукет калыкъёс полын но портэмъёсыз вань!
Источник
Сяртчынянь рецепт удмурт кылын
ВЫЛЬ АРЕН, ГАЖАНО ЭШЪЁС!(акрокылбур)
(вылӥысен улӥе нырысетӥ букваосъя)
«В ыль Арен, выль шудэн, дуноесь эшъёсы!»-
Ы мысь-ым кылӥське котькытын ӟечкылан,
ЛЬ ӧль-ӵыжыт ымнырысь кисьтӥське шумпотон.
А р ӵоже асьмелэн мед луоз бай улон,
Р адызъя мед мыноз ӟеч малпам ужъёсмы,
Е гитлык, тазалык мед улоз сюлмамы,
Н янь но вӧй мед луоз котьку ӝӧк выламы!
Г ыримы, кизимы, арамы гужемвыл,
А р сётӥз ваньбурзэ вань тыршись калыклы.
Ж адёнэз валатэк ужамлэн бервылыз —
А мбар тыр ИНМАРЛЭН ю-нянез асьмелы.
Н янь ке вань, кыз улын но шулдыр,
О гинын тупаса мед улом Выль аре.
Э х, ойдо ӝутоме тырмытэм чаркамес,
Ш унытэсь ӟеч кылъёс вералом вань сюлмысь,
(Ъ)
Ё лкамы котырын эктыса, кырӟаса,
С эрпалтом Вуж арын ужаса жадеммес!
Ӵуж, горд, лыз тылъёсын
Вож кызмы пиштылэ.
Чебермам кыз йылын
Ворекъя кизили.
Паймымон ик татын!
Тон ,эше, лык али:
Ӟазегъёс Ягмуртэн,
Батырпи, Шурали,
Пӧяськись Кылмекей,
Бакапи » бре-ке-ке!».
Котырак пиналъёс,
Лымыныл, Тол Бабай
Ортчыто шудонъёс,
Жингырто кырӟанъёс.
Бен, ваньмыз туж умой!
ӦЙ ИЗЬ
Быдэс уй ӧй изь туннэ
Тол Бабай вал малпанэ.
Верало солы кылбур,
Со мыным сӥзёз визьбур.
Ватсалоз кампет, улмо,
Ма луоз солэсь умой!
БЕРЫКТЭМ КЫЛБУРЪЁС
НЫРЫСЬ ЛЫМЫ
ПЕРВЫЙ СНЕГ
Эшъёсы, я , учкелэ,
Котырын кӧня мамык!
Кылӥськиз зол серектэм :
— Со нырысь усем лымы.
Любамы нош ваменске:
— Со лымы ӧвӧл воксё —
Тол Бабай пиньзэ миськем,
Виятэм порошоксэ.
ТЫРМОЗ-А ИНТЫЕЗ?
ХВАТИТ МЕСТА?
Мон туж вазь сайкай туннэ,
Вож кызмес чеберъяно.
Выль армес ваньмы ӵошен
Туж шулдыр пумитано.
Витисько Тол Бабаймес.
Кышкасько одӥгезлэсь:
Кыз улын тырмоз меда
Интыез кузьымъёслы?
ӞЕЧ ТОЛ БАБАЕ
ДОБРЫЙ ДЕД МОРОЗ
Ӟеч мынам Тол Бабае,
Мешоказ куча ваем.
Бабаймы туж ик пӧсям —
Анайлэсь пасьсэ дӥсям.
Синъёсыз нош бадӟымесь,
Атайлэн кадь чагыресь.
Тодмасько, ма со атай!
Шыпытак серекъясько.
Ойдо, мед шудозы-ай,
Берло ачиз возьматскоз.
Удмурт кылын гинэ, удмурт кылын
Вераськы, эше, ас калыкеныд котьку!
Сотэк бен кызьы жутод
Удмут калыклэсь данзэ?
Удмурт кылын гинэ, удмурт кылын
Вераськы, эше, ас калыкеныд котьку!
Сотэк бен кызьы тодод
Удмурт кыллэсь чеберлыксэ?
Удмурт кылын гинэ, удмурт кылын
Вераськы, эше, ас калыкеныд котьку!
Сотэк бен малы мон
Шуом тонэ удмурт?
Бигер шаерын ке но вордскид,
Эн ышты, эше, анай кылдэ,
Эн курла удмурт выжыдэ!
Удмурт анай бордысь тон потэмын,
Удмурт вирен тон кылдэмын.
Шаере сярысь.
Уло портэм калыкъёс шаерамы шудо улонлы шумпотса.
Будо кизем юос бусыосамы тыршись киослы оскыса.
Бадзымало городъёс но гуртъёс, учкыса чыдонтэм чеберско.
Республикае мынам, Татарстан, озьы тонэ данъяло!
Данъяськисько тонэн Татарстанэ,
Муспотон вордиськем «кокые»!
Йыбырттисько тыныд музъемозь,
Улон аръёсы каньылэн ортчытозь.
Шудо улон тон кузьмаськод
Портэм эшлыко калыклы,
Дандэ аслэсьтыд возьмаськод
Ноку вунонтэм – пыраклы!
Чебересь кылъёс шедьтод меда ас шаердэ ушъяны?
Чебересь интыос шедьтод меда ас гумырдэ улыны?
Кыл сузёнтэм кылъёс, син сузёнтэм интыос дуннеын,
Тынэсьтыд чеберез, шаере, овол дыр инты нокытын!
Бызё шуръёсыд ас ортизы кырзаса,
Улэ калыкед ас мугзэ валаса.
Соин, дыр, шаермы туж чебер!
Соин, дыр, шаермы туж узыр!
Чыдонтэм сяськаё возьёс, нюлэсъёс,
Жильыртись дун вуо ошмесъёс!
Тиледыз гажаса, дыр, татысь калыкед
Возиське ас шаер музъемаз!
Тон вадьсын шунды но яркытгес,
Тон возын улон но каньылгес.
Татарстанэ мынам, тон чебер но мусо!
Тон дуно! Тон дано но кужмо!
Выль ар кузьымъёс.
Выль аред вуэ лэся,
Трос кузьым вае лэся.
Пичиослы шумпотон
Ареслы бадзым луон.
Бадзымъёслы мар меда?
Тодмо ини вератэк,
Уз кельты со кузьымтэк!
Кинлы ке но выль корка,
Кинлы ке но машина,
Кинлы ке но вож нуны,
Кинлы ке но выль уждур,
Ваньмызлы ке выль шудбур!
Кылбуръёс гожъямын зуч алфавитэн, точкаосын букваос точкаостэк.
Источник
Анай кылэз дышетон: Ижкарысь удмурт анайёслэн амалъёссы но малпанъёссы
Туала улонын каръёсын шер пумитано нылпиосынызы, шуом, удмурт кылын вераськись семьяосты. Пичи калыкысь потэм кузпалъёс соосты ӵемысь ӟуч кыллы гинэ дышето. Карын, уго, сое тодытэк вамыш но уд лэсьты. Соин но, вылды, вунэто яке кулэен уг лыдъяло пиналзэс ас кылзылы дышетыны, солы ас лулчеберетсэс пыӵатыны.
Анай кыллэн калыккуспо нуналэз азьын иворъёсъя «Удмуртия» агентство Ижкарын улӥсь но нылпиоссэс удмурт кыллы дышетӥсь юалляськиз но тунсыко учыръёссы, , малпанъёссы сярысь тодӥз.
Николай но Наталья Дмитриевъёс кыкназы удмуртъёс. Натальялэн Кияса но Алнаш ёросъёсысь, нош ачиз Ижкарын будэмын. Со удмурт, ӟуч, финн кылъёсты тодэ. Со сяна, немец, англи кылъёсын но тодмо. Кутскылэм вылэм испан кылэз дышетон борды но. Наталья Ижысь Кузёбай Герд нимо гимназиын дышетӥсь луыса ужа. Та дыре пичиеныз нылынызы дораз пуке. Элькунамы «Мынӥӥсь открытка» ужрадэз радъя. Николай кузпалыз — Алнаш ёросысь Кузёбай гуртысь. Соос куинь нылпизэс будэто. Бадӟымезлы, Миша пизылы, 18 арес, кыкетӥезлы, Полина нылзылы, 13 арес, нош пичиезлы, Мариназылы, 1 но ӝыны арес сяна ӧвӧл на. Нылпиоссэс кузпалъёс удмурт кыллы дышето.
Наталья Дмитриева Полина нылыныз Фото: vk.com ( Наталья Дмитриева) ©
Кыкетӥез семья — Вячеслав но Екатерина Мензариповъёс. Кыкназы удмуртъёс. Вячеслав — Башкортостанысь, Екатерина — Пичи Пурга ёросысь. Екатерина — тодмо суредась, солэн шаржъёсыз, оло, вань удмурт кизилиосмылэсь борддоръёссэс чеберто ини. Нылпиеныз пукыкуз со пичиослы буяськонъёс суредалляз, со сяна, Татьяна Волковаен (кыккылолыкъя «Билингва» центрлэн кивалтӥсез, кылосбур тодосъя кандидат -ред.) но Григорий Григорьевен (удмурт кылын мобильной ватсэтъёсты кылдытӥсь — ред.) «Билингва» сайтэ интерактивной буяськонъёс поттӥзы. ӥ арозь кузпалъёс Башкириын Нефтекамск карын улӥзы. Собере Иже улыны выжизы. Нылпиоссы — 7 аресъем Анна но 2 аресъем Артём. Отын но, татын но пиналъёссэс удмурт кыллы дышетӥзы.
Мензариповъёслэн семьязы Фото: vk.com ( Екатерина Мензарипова) ©
Куинетӥез — Ижысь Павел но Вера Дубовцевъёс. «Мугур» студиысь усточиос. Павел ӝыныё ӟуч, ӝыныё удмурт семьяын будэмын но вераське ӟуч сямен гинэ. Вера удмурт семьяысь, но будэтэмын ӟуч сямен гинэ вераськыса. Удмурт кылэн со бадӟым будыса гинэ, кулэлыксэ валаса, тодматскем ай. Со сяна, тодэ на англи кылэз. Кузпалъёс Пётр (5 арес) но Маруся (2 арес) пиналъёссэс будэто. Анайзы соосын удмурт сямен вераське, нош атайзы — ӟуч.
Вера Дубовцева Маруся нылыныз Фото: vk.com ( Вери Степанова) ©
семьяяды юан, кыӵе кылын вераськыны?
Наталья Дмитриева: Ӧй вал, дыр, малы ке шуоно мон картме но кытӥяз тышкаськисько. Со но карын улыса, ӟуч сямен вераськыны кутске монэн но, нылпиосын но. Мон сое алӥсько. Ойдо, шуисько, удмурт сямен вераськом. Тани бадӟымъёсыныз уггес пӧрмы ини кытӥяз. Ӟучгес вераськон но кошке, куддыръя кылъёс но уг тырмо. Тани удмурт кылын кылъёс берыктэмын ӧвӧл, соос ӟуч кылын кадьгес ик пӧрмо. Собере юан кылдэ малы ми шугъяськыса удмурт сямен вераськиськом, куке сое капчиен ӟуч сямен валэктыны луэ. Тросэз, тодӥсько мон, гуртъёсын но озьы ӟуч кылэ выжо, удмурт сямен кыӵе ке югдурез куддыръя туж секыт валэктыны шуыса. Кылъёс уг сюро яке кыӵе ке но терминъёс ӧвӧл, тужгес но дышетон удысын.
Пиналъёсмы удмурт сямен верасько. Но ми куспамы дыръя ӟуч сямен но вераськиськом, малы ке шуоно карын улыса сотэк уг луы. Школаын но ӟуч сямен дышетско, эшъёссы но ӟучгес соослэн. Но удмурт кылзэс волятӥськом. Тани али пичимы вордӥськиз бере, уката ик. Мон бадӟымезлы шуи: ӟуч сямен ке но вераськиськоды куспады, та пичи нылэн удмурт сямен гинэ вераськоно. Соин ик соос мылзы , , но удмурт сямен соин верасько. Соос чик вожзы потытэк но сое лэсьто.
Бадӟыменыз пиенымы но, шоретӥез нылынымы но, таиныз но нылпи садэ мынытозязы дорын пукыкумы удмурт сямен гинэ вераськи вал.
Екатерина Мензарипова: Удмурт кыллы нылпиосмес дышетом шуыса ми картэным вераським, малы ке шуоно ӟуч кылэз соос озьы но, тазьы но тодозы. Нош анай кылзэс медаз вунэтэ. Эшшо ик мынам но, картэлэн но удмурт кылын верасько. Со сяна, мусо ук, куке пичи марке удмуртэн вераськыны дауртэ.
Удмурт кылэз бырйим, малы ке шуоно Удмуртиын улӥськом, гуртысь потӥм, карын ке но улӥськом, удмурт кыллэсь, ми малпаськом, возьдаськоно ӧвӧл.
Вера Дубовцева: Мынам картэ ачиз ӝыныё удмурт, ӝыныё ӟуч. Милям сыӵе юан уг кылды вал ноку но. Мон ас поннам тодӥсько, мар кулэ пиналъёслы азинскон понна. Дышетӥсь луисько бере, мон тани тодӥсько — трос кылъёс тодон, ас вылам но тани шӧдӥсько куинь кыл тодӥсько бере, мон пӧртэм югдуръёсы асме туж умой шӧдӥсько, эрико адями шуыса. Куке мон тодӥсько англи кылэз, мон быгатӥсько вераськыны кунгож сьӧрын котькинэн. Тани татын мон быгатӥсько вераськыны ваньмыныз, кин тодэ удмурт кылэз — гуртэ ке мынӥсько, эшъёсын ке адӟиськисько, интервью ке сётӥсько. Со удмурт кылын. Нош ӟуч кыл, со валамон, ваньмыз. Ваньмыз ӟуч кылын татын, тросэз каналъёс но, газетъёс но, ваньмыз. Книгаос асьмелэн дышемын ӟуч кылын лыдӟыны.
Мар аспӧртэмлыкез карын нылпиез удмурт кылын будэтонлэн?
Наталья Дмитриева: Мыным потэ татын соослы секытгес шедьтыны эшъёс. Малы ке шуоно гуртын ураме потӥд но, отын ваньмыз удмурт сямен верасько, нокыӵе но уг кылдо. Карын секытгес. Татын азбаре потӥськод но, отын ик бигерез но, отын ик ӟучез но, отын ик армянъёс но, азербайджанъёс но, олокинъёс но. Ваньзы ӟуч сямен верасько, малы ке шуоно валаны кулэ, соин ик удмурт кыл быре.
Нылпи садын но тани секытгес. Малы ке шуоно нылпи вераське ке но удмурт кылын, мукетъёсыз ӟуч сямен верасько. Удмурт нылпи сад ке но. Соин ик со нылпи вераськиз ке пӧлазы, соосты яке серем карозы, яке «мар тӥ весь отын лушкем кылын вераськиськоды?» шуозы.
Урамын тани кышномуртъёс вазё куддыр мынам нылылы, мон шуисько: со милям удмурт сямен гинэ вераське. Тросэз туж шумпото, туж ӟечокъёс тӥ шуо, мед тодоз анай кылзэ шуыса тросэз верало. Монэ со туж шумпоттэ. Тани азьло аръёсы, мон тодӥсько, вал сыӵе югдур, куке вожзы но потэ вал, верало вал вожпотэмзэс но адямиос. Тани бадӟыменыз нылынымы сыӵе учырмы вал, куке ми мынӥм поликлиникае. Солы вал 1 арес но ӝыны. Эмъясь шуиз: ойдолэ чаклалом, со вераськыны, кӧня кыл тодэ ини со. Мон шуисько: нош тӥ удмурт кылэз тодӥ, ? Со шуэ: уг, уг тодӥськы. Нош со мынам, шуисько, удмурт кылын гинэ вераське. Соку со юаз, кызьы тӥ сое дышетӥды удмурт кыллы шуыса. Мыным со туж серем потӥз. Мон юай: нош тӥ кызьы ӟуч кыллы дышетӥды пиналдэс? Со шуэ: вераськыса. Мон но вераськыса дышетӥ, номыр но отын секытэз ӧвӧл шуи. Со паймиз, адями быгатӥз быдэсак «языковое погружение» кылдытыны шуыса. Милям ваньмыз семьяын удмурт кылын верасько. Соин ик со туж секыт ӧй вал мон понна.
Екатерина Мензарипова: Мар аспӧртэмлыкез… адямиос дышемын ни ӟуч кылын гинэ вераськыны… нош удмурт кылын ми данъяськиськом, уката ик али пӧртэм ужрадъёс кылдытъяны тыршо карын удмурт пиналъёслы. Кылсярысь, «Шудон Корка», «Пельысь пеле, ымысь ыме» (удмурт анайёс но пинальёс), удмурт кылын Выль ар («Билингвалэн» таиз, Татьяна Геннадьевна Волкова нуэ).
Вера Дубовцева: Сыӵе ик соос пиналъёс. Валало ук соос, ваньмыз ӟуч кылын верасько шуыса. Шуом, тани соос азьтэмъясько удмурт кылын вераськыны, косэмъя верало. Нош тазьы улонын пӧрме — мон соослы удмурт кылын шуисько, соос вазё мыным ӟуч сямен. Но сыӵе правило вань, мон удмурт шуыса. Соос ваньзэ валало, мар курисько мон соосты, соос ваньзэ лэсьто. Косӥсько ке удмурт сямен вераськыны, верасько ини. А тазьы асьсэлэн со уг пӧ, соослэн. Кылзы уг берга. Кыӵе кылэз кыло тросгес, соин ик верасько. Соосын секытгес али. Малы ке шуоно соос адӟо ук, кыло, возьмато, кыӵе югдур, шуом, удмурт кылэн. Мон сюлмаськисько со понна но тыршисько ик вераськыны соосын удмурт кылын.
Библиотекае ветлӥськом. Отын вань шаертодонъя ёзэт. Милемлы отын туж шумпото. Шедьтӥсько удмурт книга. И мынам тани гуртын сыӵе сям — мон уг ӧтиськы пиналъёсты, ойдолэ книга лыдӟом шуыса. Ачим пуксисько, лыдӟыны кутскисько, собере соос пумен дорам ик вуо. Кылзо, кылзо, кылзо, мар ке уг валало ке, юало. Вань ук вераськон кыл, вань гожъям (литературной кыл). Литературной кыл со мукетгес, соослы валантэмгес потэ. Валэктыны тыршисько соослы.
Наталья Дмитриева: Туж ӧжыт пичи пиналъёслы ужрадъёс яке интыос, кытын соос быгато удмурт кылын вераськыны. Тани «Шудон корка» вань. Огвадес туж умой нуиз вал сое Анастасия . Соос али тани кошкемын Румыние улыны. Соин ик со кӧня ке быриз. Мон но соин выри вал. Собере тӥни Кузёбай Герд нылпи садын но нылъёс выризы вал соин. Но огвакыт быриз. Но табере тани соин «Удмурт нылкышно кенеш» ужа. Надежда Степанова азьланьтэ со ужез. Но отын но вань. Ӧжытгес куддыръя луо . «Малы со кулэ?» юан кылдэ. Куддыръя нош трос луо. Но трос умой ик мыным потэ. Туж шумпотымон Надежда Андреевна со ужез азьланьтыны быгатӥз шуыса. Собере тани али Оксана Крылова, логопед, мукетгес малпаз лэсьтыны -«Пельысь пеле, ымысь ыме».
Эшшо, валамон ини, книгаос уг тырмо. Воксё пичиослы. Бадӟымъёслы вань, кудъёсыз нылпи садэ ветло. «Удмуртия» издательство али туж умой, чебер поттэ книгаос, шудонъёс, но со ваньмыз куинь аресысен кутске, 3+. Нош 0+ номыр ӧвӧл. Соос огшоры кагаз книгаез уз лыдӟе, соос сое кесялозы, соослы кулэ картонлэсь. Но со уж борды нокин ӧз на басьтӥськы.
Екатерина Мензарипова: ӧвӧл кадь.
Вера Дубовцева: Мон утчасько удмурт среда. Милям ӧвӧл сыӵе условиос, канал но милям ӧвӧл удмурт, радио но милям ӧвӧл удмурт. Со кӧня ке гинэ час нуналлы, со туж ӧжыт. Милемлы тани сёто кӧня ке дыр, висъяло кӧня ке дыр, удмурт лулчеберетлы, удмурт кыллы, но асьмеос шумпотӥськом ини, умой шуиськом. Но со туж ӧжыт, куке Удмуртиын удмурт канал но ӧвӧл.
Удмурт сямен вераськеменызы герӟаськем кыӵе ке тунсыко учыръёс ?
Наталья Дмитриева: Шоретӥез нылы Полина одӥг пол пыласькыны мынӥськом но шуэ «Мама, возьми мне плащик». Мон шуисько, малы тыныд плащик кулэ. Солэн плащез но чик ӧвӧл. Со кылэз но со уг тоды, мар со плащ шуыса. Со мынӥз шкаф доры но поттӥз купальниксэ но шуэ: «Мама, вот это плащик». Пыласькыны кыллэсь со кылдытэм выль кыл. Но со ӟуч амалэн кылдытэмын. Удмурто-ӟуч луэ.
Мукет учыр вал пиенымы гуртэ бертыса. Кыед поттало вал отын. Со учкиз, учкиз но папаезлы шуэ: «Папа, вы куда кыед потащили». Кыед кылэз уг тоды вылэм ӟуч сямен. Ачиз ӟуч сямен вераське ини, нылпи садэ ветлэ вал ини со соку.
Екатерина Мензарипова: Башкириысь Иже вуэммы бере нылпи садэ мынӥм Аняен но пыдкутчанмес ыштӥм. Мын шуисько: юа воспитательлэсь, кытын пыдкутчанэд. Нылы мынӥз но ӟуч кылын юаны кутскиз (нош мон со вакытэ кылзӥськисько соосты): «А где мой… А где мой… пыдкутчан?» шуэ.
Собере воспитательёс гор серекьяса Аняме ӟыгырьяны кутскизы но юало: тон удмурт мара? Соос милемыз бигеръёс малпаллям вылэм. Нош воспитательёсмы кыкназы но удмуртъёс вылӥллям.
Озьы тӥни Аняез пӧртэм удмурт конкурсъёсы но ӧтчазы. «Пичи Чеберайёс но Батыръёс» конкурсын нырысетӥ инты басьтӥз ӥ арын Индустриальной ёросын, Ижын. Собере «Ӵ выжыкыл» ужрадэ пыриськиз. Отын выжыкыл пуктӥзы.
Вера Дубовцева: Сыӵе учыръёсты тодам уг вайиськы.
Кызьы быгатӥды асьтэос ас кылдэс утьыны?
Наталья Дмитриева: Мон ачим будэмын Ижкарын. Анае но, атае но гуртысь. Анае Кияса ёросысь Тигырмен гуртысь, атае Алнаш ёросысь. Вордӥськемын Азаматын, но будэмын Алнашын. Мон котькуд ар шутэтскон вакытъёсы песянае но ӵужанае доры, песянае доры Алнаше, но отчы шергес, вуылӥсько вал. Нош тани ӵемгес улӥсько вал мон Тигырменын, Кияса ёросын. Отын ик мон удмурт кылме но волятӥ. Нырысь ик пичи дыръям умойгес вераськисько вылэм, но собере тӥни школае мыныса, сокем трос ӧй вал уг ай удмурт школаос карын, со мынам кӧня ке вунӥз вал, удмурт кыл. Мон кытӥяз бадӟымгес будэм берам возьдаськисько но вал удмурт кылын вераськыны. Малы ке шуоно монэ папае гинэ но серекъя вал, мон вераськисько шуыса. Собере ини гуманитарной лицее пырыса, отын вал милям финноугроведение специализация, Решетникова Ангелина Ефремовна отын вал кураторез, со тӥни выльысен , пыӵатӥз мыным удмурт кылэз. лулчеберетэн но тодматӥз. Со дырысен мон удмурт кылме уг вунэтӥськы. Удмурт пияшлы но бызи, удмурт гуртэ, тёпак удмурт гуртэ, Кузёбае, Алнаше. Соин ик шумпотӥсько ӧй вунэты, быгатӥ утьыны шуыса.
Екатерина Мензарипова: Удмурт кылмес тыршиськом утьыны. Дорын ми удмурт кылын вераськиськом, урамын но, магазинын но.
Пимы пичигес ай бере, суро пожо вераське. Отын ик удмурт, отын ик ӟуч. Нош нылмылы валэктӥськом, удмурт кыллэсь возьдаськоно ӧвӧл шуыса.
Урамын адямиос но кыло ке удмуртэн вераськеммес, кин кызьы учке. Кин ке но паймыса дугдэ но юа, кыӵе кылын вераськиськом шуыса.
Эшшо магазинын но урамын пересь бабушъёс, удмуртъёс но вань ук карын, доре лыктыса ик удмуртэн вераське, ӟечок шуо.
Вера Дубовцева: Мон куке но «Шундыкаре» ветлыны кутски. Мынам папае отын ужа вал. Мыным возьыт луиз ачим уг тодӥськы шуыса удмурт кылэз. Валай асме удмурт шуыса. Сыӵе , … Кема ар ӵоже озьы. Кызь аресозь, дыр, дышетӥ. Со дырысен вераськисько. Со туж кема вал. Кыӵе ке но кылын вольыт вераськыны со туж секыт уж. Кема ужаны кулэ. Радиоез кылзыны. Уг ке но кельшы кылзӥсько вал. Предложение удмурт кылын мукет сямен кариське ук. Мукет конструкция. И мон со теориез тодытэк, аслым пуктӥ ужпум, малпай — вераськыны кулэ. , озьы но, тазьы но.
Мынам трос эшъёсы удмуртъёс, «Шундыысь» ик. Мон «Шундые» пыри ужазы, пыри азьветлӥсь луыса вал. Трос аръёс ӵоже ужай. Лагере вуылӥ на «Шундыкаре» ачим вожатой луыса. Собере котькуд «Шундыкар» — со сыӵе зол, умой малпанъёс, бурдъяськон. Со туж зол кужым сётэ быдэс арлы. Куке котырад сомында удмурт калык, удмурт кыл чузъяське, соку капчигес ваньмыз мынэ. Собере котькуд «Шундыкар» бере ветлӥськомы на вал кин ке доры гуртазы. Тани одӥг пол вуылӥм Уддядие кӧня ке нуналлы. Соку мон кутски вераськыны. Мон ачим пайми. Мамае паймиз.
кыкназы ик удмуртъёс. Но соос куспазы гинэ верасько вал удмурт кылын. Мон сое кылӥсько вал, но соос милемын уг вераськыло удмурт кылын — ӟучен. Куспазы тани верасько маке но, но мон… мынам кема сыӵе вал югдур, куке мон валасько ваньзэ, куке мон вырисько ини вераны, но кыл уг берга.
Тӥни озьы, номыр шоры учкытэк, будэто удмурт пиналъёсты Ижкарын. Со дыре ик, та удмурт но ӟуч кылъёс но лулчеберет борды гинэ уг пыкъясько. Соослэн йыразы пӧртэм малпанъёс бергало. Кылсярысь, Наталья Дмитриевалэн бадӟымзэ нылзэ финн кыллы дышетыны мылкыдыз вылэм. Нош Екатерина Мензариповалэн — башкир кыллы. Со сяна, бигер но англи кылъёслы но, эшшо мукет кыӵе ке кыллы дышетысал шуэ. Нош Дубовцевъёслэн пиналъёссы али ик англи кылэз дышето ини. Вералэн кылъёсызъя, кӧня ке гинэ занятиосы ветлыса, соос али ик быгато ини тодыны, мар сярысь вераськон мынэ, кырӟаны но пичияк гинэ кылбур вераны. Туж шумпото шуэ, со уго мар ке но вылез соос понна.
Источник
